घट्यो बीमा पोलिसी सरेण्डर — ११ महिनामा साढे १२ अर्ब बाहिरियो, नविकरण नगर्नेको संख्या १० लाख २७ हजार

नेपाल बीमा प्राधिकरणले सार्वजनिक गरेको प्रतिवेदन अनुसार चालु आर्थिक वर्षको ११ महिनामा जीवन बीमा कम्पनीहरुबाट पोलिसी सरेण्डर (बीमालेख समर्पण) मार्फत १२ अर्ब ५९ करोड २६ लाख रुपैयाँ बाहिरिएको छ । जुन गत आर्थिक वर्षको सोही अवधिको तुलनामा ७.०१ प्रतिशतले कम हो।

गत आवको जेठ मसान्तसम्म १३ अर्ब ५४ करोड १५ लाख रुपैयाँ सरेण्डर भएको थियो। रकमसँगै बीमालेख त्याग गर्ने ग्राहकको संख्या पनि १४.८७ प्रतिशतले घटेर ९८ हजार ४१ बाट ८३ हजार ४४२ मा झरेको छ।