बाँदर र बँदेल नियन्त्रणको माग गर्दै संसद् पुग्यो जरुरी सार्वजनिक महत्त्वको प्रस्ताव

२५ साउन, काठमाडौं । बाँदर र बँदेल नियन्त्रणको माग गर्दै संसद्‌मा जरुरी सार्वजनिक महत्त्वको प्रस्ताव पुगेको छ । नेपाली कांग्रेस, नेपाली कम्युनिस्ट पार्टी, नेकपा एमाले र श्रम संस्कृति पार्टीले यस्तो प्रस्ताव प्रतिनिधिसभामा दर्ता गरेका हुन् ।

नेपालका पहाडी तथा ग्रामीण क्षेत्रमा बाँदर र जंगली बँदेलबाट कृषि बालीमा भइरहेको क्षति पछिल्ला वर्षहरूमा गम्भीर हुँदै गएको उक्त प्रस्तावमा उल्लेख छ ।