काठमाडौंको जुत्ता, मधेशको चप्पल

२५ साउन, विराटनगर । १० साउनको राति खान खाएर सुत्नै लाग्दा सुनसरीको देवानगञ्ज गाउँपालिका–३ कप्तानगञ्जमा दुई समूहको झगडाको खबर पाएपछि स्थानीय ओमप्रकाश मेहता दौडिएर चोक पुगे । चप्पल लगाएर चोक पुग्दा दोहोरो झडप हुँदै थियो ।

चौबाटोको दक्षिणपट्टि उभिएका उनी गोली लागेर ढले । उनी ढल्दा लगाएको चप्पल रगताम्ये थिए । सँगै रहेका साथीले चप्पल छेउमा राखिदिए । उनलाई उपचारका लागि अस्पताल पठाइयो । अस्पताल पुर्‍याउने बित्तिकै चिकित्सकले मृत घोषित गरे ।