कांग्रेसद्वारा ग्यास अभावप्रति सरकारको ध्यानाकर्षण र बिजुलीको भ्याट फिर्ता लिन माग

काठमाडौँ । नेपाली कांग्रेसले मुलुकमा व्याप्त दैनिक जनजीवनका समस्याहरूलाई लिएर सरकारको गम्भीर ध्यानाकर्षण गराएको छ । पार्टीको केन्द्रीय कार्यसमिति बैठकको दोस्रो दिन सोमबारको बैठकपछि सञ्चारकर्मीहरूसँग कुरा गर्दै प्रवक्ता देवराज चालिसेले बैठकमा मुख्य गरी जनताले भोग्नुपरेका आर्थिक र व्यावहारिक कठिनाइहरूबारे छलफल भएको जानकारी दिए ।

प्रवक्ता चालिसेका अनुसार बैठकले भान्सामा प्रयोग हुने एलपी ग्यासको चरम अभाव र आपूर्ति व्यवस्थामा देखिएको कमजोरीप्रति सरकारलाई सचेत गराएको छ । 'जनता ग्यासका लागि लामो लाइन बस्न बाध्य छन्, यो युद्धको कारण मात्र नभई सरकारको भण्डारण क्षमताको अभाव र गलत व्यवस्थापकीय शैलीका कारण भएको हो,' चालिसेले भने ।