१६ हजार मेगावाट विद्युत्‌मा पीपीए खुलाउन इप्पानको माग

२५ साउन, काठमाडौं । स्वतन्त्र ऊर्जा उत्पादकहरूको संस्था, नेपाल (इप्पान) ले आवेदन दिएका १६ हजार मेगावाट बराबरका आयोजनाको विद्युत् खरिद सम्झौता (पीपीए) का लागि प्रक्रिया तत्काल खुला गर्न नेपाल विद्युत् प्राधिकरणसँग माग गरेको छ ।

प्राधिकरण र इप्पानका प्रतिनिधिबीच भएको भेटमा इप्पानले लामो समयदेखि रोकिएको पीपीए प्रक्रिया अघि बढाउन माग गरेको हो । इप्पान अध्यक्ष मोहनकुमार डाँगीले पीपीए रोकिँदा अध्ययन तथा निर्माणको चरणमा रहेका आयोजनाको लगानी, वित्तीय व्यवस्थापन र आयोजना विकासमा असर परेको बताए ।