कोलम्बियामा ७.४ म्याग्निच्युडको शक्तिशाली भूकम्प, कम्तीमा २० जनाको मृत्यु

पश्चिमी कोलम्बियामा गएको ७.४ म्याग्निच्युडको शक्तिशाली भूकम्पका कारण कम्तीमा २० जनाको मृत्यु भएको छ। दर्जनौं भवनहरू भत्किँदा कैयौं मानिसहरू भग्नावशेषमा थिचिएका छन्।

स्थानीय अधिकारीहरूका अनुसार पेरेइरा शहरमा मात्रै कम्तीमा १८ जनाको मृत्यु भएको छ। पेरेइराका मेयर मौरिसियो सालाजारले स्थिति निकै गम्भीर रहेको बताएका छन्।