युक्रेनले रूसको निजनेकामस्क सहरमा गरेको ड्रोन आक्रमणमा १३ जनाको मृत्यु

मस्को – गत साता रूसले गरेको आक्रमणको जवाफमा युक्रेनले सोमबार भीषण आक्रमण गरेसँगैरूस र यूक्रेनबीचको युद्धमा फेरि एकपटक तीव्रता देखिएको छ । रूसको निजनेकामस्क सहरमा युक्रेनद्वारा सोमबार गरिएको ड्रोन आक्रमणमा १३ जनाको मृत्यु भएको छ भने ४८ जना घाइते भएका तातारस्तान क्षेत्रका अधिकारीहरूले जानकारी दिएका छन् ।

तेल प्रशोधन केन्द्रलाई ड्रोनले निसाना बनाएको हुनसक्ने प्रत्यक्षदर्शीले बताएका छन् । अधिकारीहरूले युक्रेनी ड्रोनले केलाई निसाना बनाएको बताएनन्, तर यो सहर रूसको एक महत्त्वपूर्ण तेल प्रशोधन केन्द्र हो, जहाँ दुई ठूला रिफाइनरी र एक पेट्रोकेमिकल प्लान्ट रहेका छन् ।