क्रिकेट टोलीमा कप्तानसहित व्यापक फेरबदल

२५ साउन, काठमाडौं । क्रिकेट विश्वकप लिग २ मा लगातार कमजोर प्रदर्शनपछि नेपाली क्रिकेट टोलीमा कप्तान सहित व्यापक परिवर्तन भएको छ ।

नेपाल क्रिकेट संघ (क्यान) ले लेग स्पीनर सन्दीप लामिछानेलाई नेपाली एकदिवसीय टोलीको नयाँ कप्तान घोषणा गरेको छ । साथै अगस्ट ३० देखि मलेसियामा सुरु हुने एसीसी मेन्स प्रिमियर कपका लागि लामिछानेकै कप्तानीमा १४ सदस्यीय टोली घोषणा गरेको छ । उक्त टोलीमा कप्तानसहित व्यापक फेरबदल गरिएको हो ।