भारतीय GJEPC का असिस्टेन्ट डाइरेक्टर अजय पुरोहितसँग कन्काई ज्वेलरीमा भेटवार्ता, नेपाल–भारत आभूषण व्यापार सहकार्यमा जोड

काठमाडौंं– डिल्लीबजार, पिपलबोटस्थित कन्काई सुनचाँदी गहना एन्ड ज्वेलरी सप प्रा.लि.ले भारतको Gem 7 Jewellery Export Promotion Council (GJEPC) अन्तर्गत International Events का असिस्टेन्ट डाइरेक्टर अजय पुरोहितलाई स्वागत तथा भेटघाट कार्यक्रम सम्पन्न गरेको छ ।

कार्यक्रममा नेपाल र भारतबीच सुनचाँदी तथा आभूषण व्यवसायलाई थप व्यवस्थित, सहज र प्रभावकारी बनाउने विषयमा विस्तृत छलफल भएको थियो । विशेषगरी दुई देशबीच आभूषण तथा गरगहनाको आयात–निर्यात, अन्तर्राष्ट्रिय व्यापार प्रवद्र्धन, प्रदर्शनी तथा व्यवसायीबीच सहकार्य विस्तारका विषयलाई प्राथमिकताका साथ उठाइएको थियो ।