पुँजीगत खर्च फेरि सुस्त, असार १५ सम्म ३५ प्रतिशत मात्रै कार्यान्वयन

काठमाडौं– विकास निर्माणसँग प्रत्यक्ष जोडिएको पुँजीगत बजेटको कार्यान्वयन चालु आर्थिक वर्ष २०८२÷८३ मा पनि निराशाजनक देखिएको छ। आर्थिक वर्ष सकिन केही दिन मात्र बाँकी रहँदा सरकारले विनियोजन गरेको पुँजीगत बजेटको करिब एक तिहाइ मात्रै खर्च हुन सकेको छ।

महालेखा नियन्त्रक कार्यालयको तथ्यांकअनुसार असार १५ गतेसम्म पुँजीगत बजेटको ३५.१२ प्रतिशत अर्थात् १ खर्ब ४३ अर्ब २३ करोड ४ लाख रुपैयाँ मात्रै खर्च भएको छ। सरकारले चालु आर्थिक वर्षका लागि पुँजीगततर्फ ४ खर्ब ७ अर्ब ८८ करोड ८० लाख रुपैयाँ विनियोजन गरेको थियो।