भक्तपुरको रायो सागमा भेटियो ८० प्रतिशत विषादी

काठमाडौं । सरकारी स्वामित्वको कालीमाटी फलफूल तथा तरकारी बजारमा बिक्री गर्न ल्याइएको रायो सागमा अत्यधिक परिमाणमा विषादी पाइएको छ ।

विषादी अवशेष द्रुत विश्लेषण प्रयोगशाला एकाइले आज गरेको परीक्षणका क्रममा भक्तपुरको मध्यपुर थिमी नगरपालिकाकी सीता रेग्मीले उत्पादन गरेको रायो सागमा अत्यधिक परिमाणमा कार्बामेट र अर्गानोफोस्फेट समूहको विषादीको अवशेष पाइएको हो ।