बंगलादेशमा जेनजी आन्दोलनबाट उदाएको युवा नेतृत्वको पार्टीलाई ठूलो झट्का

ढाका : जेनजी विद्रोहपछि आह्वान गरिएको बंगलादेशको संसदीय निर्वाचनमा युवा पुस्ताले नेतृत्व गरेको दलले अपेक्षित सफलता हासिल गर्न सकेन। ३०० सदस्यीय संसदमा नयाँ शक्ति बनेर उदाएको द नेशनल सिटिजन पार्टी (एनसीपी)ले जम्मा ६ सिटमा मात्र जित निकाल्न सक्यो। यसले सडक आन्दोलनको ऊर्जा मतमा रूपान्तरण गर्न कठिन रहेको देखाएको विश्लेषकहरूले बताएका छन्।

शुक्रबार सार्वजनिक परिणामअनुसार मतदाताले अत्यधिक रूपमा पुरानै दल बंगलादेश नेशनलिस्ट पार्टी (बीएनपी)लाई रोजेका छन्। बीएनपी यसअघि तीनपटक सरकारको नेतृत्व गरिसकेको दल हो। पछिल्लो पटक बीएनपीले सन् २००१ देखि २००६ सम्म शासन गरेको थियो।