मन्त्रीको कडाइपछि दुई सातामै ४२ करोडभन्दा बढी बक्यौता असुल, ४५ उद्योगको बिजुली लाइन अझै काटियो

काठमाडौं– उद्योग, वाणिज्य तथा आपूर्ति मन्त्री गौरिकुमारी यादवको निर्देशनपछि औद्योगिक क्षेत्रको वर्षौँदेखिको भाडा बक्यौता असुलीले गति लिएको छ। पछिल्लो दुई सातामै ४२ करोड ५४ लाख ३८ हजार रुपैयाँ बक्यौता रकम असुल भएको औद्योगिक क्षेत्र व्यवस्थापन लिमिटेडले जनाएको छ।

मन्त्री यादवले वर्षौँदेखि उठ्न नसकेको भाडा तत्काल असुल गर्न निर्देशन दिएपछि लिमिटेडले बक्यौता रहेका उद्योग तथा कार्यालयविरुद्ध कडा कदम चालेको थियो।