किवानिज लुम्बिनीको नेतृत्वमा पौड्याल र शर्मा

भैरहवा- बालबालिका तथा सामाजिक सेवाको क्षेत्रमा क्रियाशील अन्तर्राष्ट्रिय संस्था किवानिज क्लब अफ लुम्बिनी प्रदेशको लेफ्टिनेन्ट गभर्नर (अध्यक्ष) मा विमल पौड्याल र लेफ्टिनेन्ट गभर्नर इलेक्ट (प्रदेश उपाध्यक्ष) मा बंशीकुमार शर्मा सर्वसम्मत चयन भएका छन्।

भैरहवामा शनिबार सम्पन्न क्लबको प्रदेशस्तरीय सम्मेलनले पौड्याल र शर्मालाई सर्वसम्मत चयन गरेको हो। केन्द्रीय उपाध्यक्ष तथा निर्वाचन संयोजक भरत ढुंगेलले अध्यक्षमा पौड्यालको उम्मेदवारी प्रस्ताव गरेका थिए भने किवानिज क्लब दाङका सुमित भुसालले समर्थन गरेपछि सम्मेलनले अनुमोदन गरेको थियो।