कोलम्बिया भूकम्प अपडेट : मृत्यु हुनेको संख्या १३२ नाघ्यो

बोगोटा । पश्चिमी कोलम्बियामा सोमबार गएको यस शताब्दीकै शक्तिशाली भूकम्पमा परी अहिलेसम्म कम्तीमा १३२ जनाको मृत्यु भएको छ भने ५७० जना घाइते भएका छन् । शक्तिशाली भूकम्पका कारण विभिन्न सहरमा भवनहरू भत्किएका छन्, अस्पताल तथा अन्य पूर्वाधारमा क्षति पुगेको छ र केही मानिस भग्नावशेषमा पुरिएका छन् ।

कोलम्बियाका नवनियुक्त राष्ट्रपति अबेलार्दो दे ला एस्प्रियेलाले राष्ट्रिय आपत्काल घोषणा गर्दै सरकारको पहिलो प्राथमिकता भग्नावशेषमा पुरिएका मानिसको उद्धार गर्नु रहेको बताएका छन् ।