देश वा विदेशमा आर्जित 'क्रेडिट' सञ्चय र स्थानान्तरबारे नयाँ निर्देशिकाले विद्यार्थीलाई कस्ता फाइदा

देशभित्र वा बाहिर पढेर आर्जन गरिने शैक्षिक 'क्रेडिट'लाई जम्मा गर्न अनि एक ठाउँ (कलेज/विश्वविद्यालय)बाट अर्कोमा जाँदा सार्न मिल्ने प्रबन्धका लागि विश्वविद्यालय अनुदान आयोगले हालै जारी गरेको निर्देशिका विद्यार्थी तथा कलेजहरूलाई उपयोगी हुने जानकारहरूले बताएका छन्।

यसअघि विश्वविद्यालयहरूले आफ्नै ढङ्गबाट व्यवस्थापन गरिरहेको विषयलाई औपचारिक निर्देशिकामार्फत् गर्दा 'राम्रै हुने' उनीहरूले बताएका छन्।