अमेरिकासँग हुने सम्भावित वार्तामा के के चाहन्छ इरान ?

इरान : गत साता इरान र अमेरिकाबीच एकअर्कामाथि आक्रमण भएपछि फेरि कूटनीतिक वार्तातर्फ ध्यान केन्द्रित भएको छ । अमेरिकी राष्ट्रपति डोनाल्ड ट्रम्पले दुवै पक्षबीच मंगलबार दोहामा वार्ता हुने बताएका थिए ।

तर सोमबार इरानका उपविदेशमन्त्री काजेम घरिबाबादीले यस साता कतारमा अमेरिकासँग कुनै प्राविधिक तहको वार्ता नहुने स्पष्ट पार्दै कतारी अधिकारीहरूसँग मात्र परामर्श जारी रहने बताए । यसअघि इरानी सर्वोच्च नेताको कार्यालयका सदस्य मेहदी फजाएलीले सरकारी टेलिभिजनसँग कुरा गर्दै आइतबारका लागि तय भएको अमेरिका–इरान वार्ता होर्मुज जलडमरूमध्य लगायतका आधारभूत विषयमा सहमति नजुटेकाले इरानले रद्द गरेको बताएका थिए ।