नेपालमा ५जीको बाटो खुल्दै, दूरसञ्चार प्राधिकरणले माग्यो १५ दिनभित्र सुझाव

काठमाडौं । नेपालमा मोबाइल दूरसञ्चार सेवालाई थप गुणस्तरीय र आधुनिक बनाउँदै ५जी प्रविधितर्फ अगाडि बढ्न नेपाल दूरसञ्चार प्राधिकरण (NTA) ले विशेष पहल थालेको छ । प्राधिकरणले ‘Mobile Broadband Enhancement Plan (Nepal’s Road to 5G)’ को मस्यौदा तयार गरी सर्वसाधारण तथा सम्बन्धित सरोकारवालाबाट राय सुझाव मागेको हो ।

नेपालको दूरसञ्चार बजारको वर्तमान अवस्था, मोबाइल डाटा तथा सेवाको मागमा भइरहेको निरन्तर वृद्धि, अन्तर्राष्ट्रिय अभ्यास, सेवा प्रदायकबाट प्राप्त विवरण र विभिन्न सरोकारवालासँगको छलफलका आधारमा उक्त रणनीतिक मार्गचित्र तयार गरिएको प्राधिकरणले जनाएको छ ।