पर्यटक आकर्षित गर्दै माई नगर

इलामको माई नगरपालिका पछिल्लो समय पर्यटकीय क्षेत्रका रूपमा विकास भइरहेको छ। तराईदेखि चुरेसम्मको मनोरम संगमझैं देखिने माई नगरपालिका जैविक विविधता, ऐतिहासिक चियाबारी, सुखानीलगायत क्षेत्रले पर्यटकीय आकर्षण बन्दैछ।

यहाँका सोक्तिम र चिलिमकोट चिया बगान, ऐतिहासिक चिया उद्योग, तेह्रकुने पोखरी, मैनाचुली, गिटीडाँडा, झन्डीडाँडा र छुरेजस्ता अर्गानिक पर्यटकीयस्थलले पर्यटक लोभ्याइरहेका छन्। किराँत हाङसाम वोरक, फागुनन्द हाङसाम्मा माङहिम, बौद्धगुम्बा र मठमन्दिर पनि पर्यटकीय केन्द्र बनिरहेका छन्। नमुना सामुदायिक वनको पर्या-पर्यटन क्षेत्रले पनि पर्यटक आकर्षित गरिरहेको छ।