आजदेखि भृकुटीमण्डपमा ‘नाइमा नेपाल मोबिलिटी एक्स्पो २०२६’

काठमाडौं- नेपाल अटोमोबाइल इम्पोर्टर्स एन्ड म्यानुफ्याक्चरर्स एसोसिएसनको आयोजनामा हुने ‘नाइमा नेपाल मोबिलिटी एक्स्पो २०२६’ आज साउन २६ गतेदेखि काठमाडौंको भृकुटीमण्डपमा प्रारम्भ भएको छ ।

एक्स्पोको उद्घाटन आज बिहान ९ बजे नेपाल प्रहरी क्लबस्थित ब्लु प्याभिलियन अडिटोरियम हलमा हुँदैछ । उद्घाटन समारोहमा नेपाल सरकारका विशिष्ट पदाधिकारी, विभिन्न कूटनीतिक नियोगका अधिकारी, प्रतिष्ठित संघसंस्थाका प्रतिनिधि, नाइमाका सञ्चालक समिति तथा सदस्य संस्थाका पदाधिकारी, प्रदर्शनी साझेदारलगायत अटोमोबाइल तथा मोबिलिटी क्षेत्रसँग सम्बन्धित विभिन्न संस्थाको सहभागिता रहनेछ ।