नेपाली क्रिकेट टोलीमा व्यापक फेरबदल: किन आउट भए सोमपाल र कुशल ?

काठमाडौँ – आईसीसी विश्वकप लिग–२ अन्तर्गत नेदरल्यान्ड्स भ्रमणमा टोलीको प्रदर्शन निराशाजनक रहेपछि नेपाल क्रिकेट संघ (क्यान) ले राष्ट्रिय टोलीमा व्यापक फेरबदल गरेको छ। आगामी एसीसी प्रिमियर कपका लागि क्यानले सिनियर टोलीका नियमित र अनुभवी खेलाडीलाई हटाउँदै युवा खेलाडीलाई अवसर दिएको छ।

क्यानको पछिल्लो निर्णय अनुसार टोलीका मुख्य पेसर सोमपाल कामी, अलराउन्डर आरिफ शेख, भीम सार्की, विनोद भण्डारी र नन्दन यादवलाई सिनियर तथा नेपाल ‘ए’ दुवै टोलीबाट बाहिर राखिएको छ। यस्तै, टोलीका नियमित ओपनर कुशल भुर्तेललाई भने सिनियर टोलीबाट घटाएर नेपाल ‘ए’ टोलीमा पठाइएको छ।