हुलाक सेवा पुनर्जागरण गर्दै सरकारले घरदैलोमै सरकारी सेवा पुर्याउने

काठमाडौं । सरकारले परम्परागत हुलाक सेवालाई आधुनिक, प्रविधिमैत्री र नागरिकमैत्री ‘सरकारी कुरियर सेवा’का रूपमा रूपान्तरण गर्दै नागरिकको घरदैलोमै सरकारी सेवा पुर्‍याउने अभियानलाई तीव्र बनाएको छ।

सूचना तथा सञ्चारमन्त्री डा. विक्रम तिमिल्सिनाले हुलाक सेवालाई पुनर्स्थापित गर्दै सरकारी सेवा वितरणको प्रभावकारी माध्यमका रूपमा विकास गरिएको बताएका छन्। हुलाक सेवा विभागद्वारा मंगलबार आयोजित ‘हुलाक सेवाको आधुनिकीकरण सम्बन्धी उच्चस्तरीय संवाद कार्यक्रम’ मा बोल्दै उनले हुलाक सेवाको पुनर्जागरण सरकारको योजनाबद्ध प्राथमिकतामा रहेको उल्लेख गरे।