क्रिप्टोकरेन्सीको भाउ घट्दा डोनाल्ड ट्रम्पको सोसल मिडिया कम्पनीको घाटा ३६ अर्ब नाघ्यो

काठमाडौं । अमेरिकी राष्ट्रपति डोनाल्ड ट्रम्पको सामाजिक सञ्जाल कम्पनीको घाटा चुलिएको छ । सामाजिक सञ्जाल ‘ट्रुथ सोसल’ को मातृ कम्पनी ‘ट्रम्प मिडिया एन्ड टेक्नोलोजी ग्रुप कर्पोरेसन’ ले चालु आर्थिक वर्षको दोस्रो त्रैमासिकमा २३८ मिलियन डलर (३६ अर्ब ३० करोड रुपैयाँ बढी) घाटा व्यहोरेको छ ।

कम्पनीले सोमबार जारी गरेको विवरणअनुसार आफ्नो स्वामित्वमा रहेका क्रिप्टोकरेन्सीको मूल्यमा आएको ठुलो गिरावटका कारण घाटा बढेको हो । कम्पनीकाे घाटा अघिल्लो वर्षको सोही अवधिको २० मिलियन डलरको तुलनामा भारी वृद्धि भएको ब्लुमबर्गले उल्लेख गरेको छ ।