भाषा जोगाउन पत्रकारिताको भूमिका

संयुक्त राष्ट्रसंघले सन् २०२२–२०३२ लाई विश्व आदिवासी भाषा दशक घोषणा गरेको छ । संविधानको प्रस्तावनामा नै बहुभाषिक भनिएको नेपालले यो घोषणालाई अवसरमा परिणत गर्न अपेक्षाकृत गम्भीर बन्न सकिरहेको छैन भने समुदाय स्तरमा गैरसरकारी स्तरमा यससम्बन्धी बहस निरन्तर भइरहेको छ । यसै सन्दर्भमा भाषा बचाउनको लागि पत्रकारिताको भूमिकालाई लिएर बहस हुन थालेको छ । पत्रकारिताले सार्वजनिक सरोकार र समसामयिक विषयमा सूचना र विचार पस्किने क्रममा जुन भाषामा पत्रकारिता गरिरहेको छ, त्यसको संरक्षणमा पनि प्रकारान्तरले टेबा पु¥याएको हुन्छ ।

जुन–जुन भाषाबाट पत्रकारिता भइरहेको छ, त्यसबाट ती भाषाको जगेर्नामा केही न केही योगदान अवश्य पु¥याइरहेको हुन्छ । यस अर्थमा पत्रकारिताको समाजमा सूचना सम्प्रेषणसँगै भाषा जगेर्नामा पनि महत्वपूर्ण भूमिका रहने गर्दछ ।