हेटौँडा कपडा उद्योग पुनः सञ्चालनको तयारीप्रति प्रचण्डको स्वागत, सरकारलाई धन्यवाद

काठमाडौं– नेकपा (माओवादी केन्द्र) का अध्यक्ष तथा पूर्वप्रधानमन्त्री पुष्पकमल दाहाल ‘प्रचण्ड’ ले हेटौँडा कपडा उद्योग पुनः सञ्चालनमा ल्याउने सरकारको तयारीप्रति स्वागत गर्दै धन्यवाद दिएका छन् ।

सामाजिक सञ्जालमार्फत प्रतिक्रिया जनाउँदै प्रचण्डले नेपाल सरकारले हेटौँडा कपडा उद्योग पुनः सञ्चालनमा ल्याउने तयारी गरेको सुन्दा खुसी लागेको बताएका छन् । उनले यस पहलबाट कपडा उपभोगमा रहेको आयात निर्भरता घट्नुका साथै राष्ट्रिय अर्थतन्त्रलाई महत्वपूर्ण योगदान पुग्ने विश्वास व्यक्त गरेका छन् ।