प्रक्षेपणको ८५ सेकेन्डमै विस्फोट भयो चिनियाँ रकेट

बेइजिङ । चीनले अन्तरिक्षमा उपग्रह पठाउन प्रक्षेपण गरेको लङ मार्च–७ए रकेट विस्फोट भएको छ । सोमबार चीनको अन्तरिक्ष कार्यक्रमका लागि नियमित रूपमा प्रयोग हुँदै आएको रकेट प्रक्षेपण असफल भएको थियो ।

यसलाई हुनु तुलनात्मक रूपमा दुर्लभ घटना मानिएको छ । चीनको हाइनान प्रान्तस्थित वेन्चाङ स्पेसक्राफ्ट लन्च साइटबाट सोमबार राति करिब ८ बजे प्रक्षेपण गरिएको रकेट केही समयपछि आकाशमै टुक्रिँदै ठूलो आगोको गोलामा परिणत भएको भिडियोहरूमा देखिएको छ ।