इरानको शक्ति संरचनामा फेरबदल, आईआरजीसीका अनुभवी कमान्डरलाई महत्वपूर्ण सुरक्षा जिम्मेवारी

इरान : इरानका सर्वोच्च नेता मोज्तबा खामेनीको कार्यालयले महत्वपूर्ण पदहरूमा नयाँ नियुक्तिहरूको घोषणा गरेको छ । यसअन्तर्गत लामो समय युद्ध कमान्डरका रूपमा काम गरेका र राजनीतिमा पनि प्रभावशाली व्यक्ति मोहसेन रेजाईलाई देशको सर्वोच्च सुरक्षा निकायको नेतृत्व गर्ने जिम्मेवारी दिइएको छ ।

इस्लामिक रिभोलुसनरी गार्ड कोप्र्स (आईआरजीसी) का १६ वर्षसम्म कमान्डर–इन–चीफ रहेका रेजाईलाई आइतबार सर्वोच्च राष्ट्रिय सुरक्षा परिषद् (एसएनएससी) को सचिव तथा खामेनीका तर्फबाट उक्त उच्चस्तरीय निर्णय गर्ने निकायमा प्रतिनिधि नियुक्त गरिएको हो । उनले सन् १९८० को दशकमा इरान–इराक युद्धका क्रममा पनि आईआरजीसीको नेतृत्व गरेका थिए ।