टेलिकमले फोरजी सेवा शुरू गरेपछि स्थानीय र पर्यटकलाई राहत

मुगु। राराको प्रमुख पर्यटकीय गन्तव्य मुर्माटपमा नेपाल टेलिकमले फोरजी सेवा शुरू गरेपछि स्थानीय बासिन्दा र पर्यटकलाई राहत मिलेको छ।

छायाँनाथ रारा नगरपालिका-९ स्थित मुर्माटपमा नेपाल टेलिकमले फोरजी टावर निर्माण गरी असार १५ गतेदेखि तीव्र गतिको फोरजी सेवा विस्तार गरेको हो। यससँगै रारा क्षेत्रलगायत आसपासका बस्तीका स्थानीय नागरिक तथा स्वदेशी-विदेशी पर्यटकले सहज रूपमा इन्टरनेट सेवा प्रयोग गर्न थालेका छन्।