विदेशमा अधुरो पढाइ अब नेपालमै पूरा गर्न सकिने, क्रेडिट ट्रान्सफरको बाटो खुल्यो

काठमाडौं । विदेशमा उच्च शिक्षा अध्ययन गरिरहेका नेपाली विद्यार्थीले बीचमै नेपाल फर्किनुपरे अब त्यहीँसम्मको पढाइको क्रेडिट नेपाल ल्याएर अध्ययनलाई निरन्तरता दिन सक्ने भएका छन् ।

विश्वविद्यालय अनुदान आयोगले जारी गरेको ‘एकेडेमिक क्रेडिट बैंकको स्थापना र सञ्चालन निर्देशिका २०८२’ ले विदेशमा आर्जन गरेको क्रेडिट नेपालका विश्वविद्यालयमा स्थानान्तरण गर्न सकिने व्यवस्था गरेको हो । यससँगै विदेशमा अध्ययनरत विद्यार्थीको पढाइ विभिन्न कारणले बीचमै रोकिएमा नेपाल फर्किएर पुन: अध्ययन अघि बढाउने नीतिगत बाटो खुलेको छ ।