इलाममा अलैँचीतर्फ किसानको आकर्षण बढ्दो, धानबाली मासेर व्यावसायिक खेती विस्तार

काठमाडौं– अलैँचीको मूल्य लगातार उच्च रहन थालेपछि इलामका किसानहरू अन्नबाली हुने खेतबारीसमेत मासेर व्यावसायिक अलैँचीखेतीतर्फ आकर्षित हुन थालेका छन् । जिल्लाका विभिन्न गाउँमा यस वर्ष ठूलो परिमाणमा नयाँ अलैँचीका बिरुवा रोप्ने क्रम बढेको छ ।

माङसेबुङ गाउँपालिका–२ पावाका ३६ वर्षीय युवा तथा राष्ट्रिय स्वतन्त्र पार्टीका केन्द्रीय सदस्य मिलन लिम्बूले यस पटक करिब १५ रोपनी क्षेत्रफलमा अलैँचीखेती सुरु गरेका छन् । उनले सन्दकपुर गाउँपालिकाबाट प्रतिबोट १४ रुपैयाँका दरले भार्लाङ जातका तीन हजार बिरुवा खरिद गरी रोपेका हुन् ।