अर्बपतिमाथि लगाइने करविरुद्ध लड्नका लागि गुगलका सहसंस्थापक सर्गेई ब्रिनले खर्च गरे १० करोड डलर

एजेन्सी । गुगलका सहसंस्थापक सर्गेई ब्रिनले क्यालिफोर्निया राज्यको प्रस्तावित अर्बपति करको विरुद्धमा वकालत गर्ने संस्था बिल्ड अ बेटर क्यालिफोर्नियालाई थप २ करोड डलर दान गरेका छन् ।

यसको अर्थ हुन्छ– विश्वकै चौथो धनी व्यक्तिले अनुमानित १३.३ अर्ब डलरको कर भुक्तानीबाट बच्न अहिलेसम्म १० करोड डलरभन्दा बढी खर्च गरिसकेका छन् । उनको कुल सम्पत्ति करिब २६७ अर्ब डलरको हाराहारीमा छ ।