नर्भिक इन्टरनेशनल हस्पिटल र हेल्थ एट होमबीच सहकार्य

काठमाडौं- घरमै बसेर स्वास्थ्य सेवा लिन चाहने बिरामीलाई लक्षित गर्दै नर्भिक इन्टरनेशनल हस्पिटल लिमिटेड र हेल्थ एट होम संस्थाबीच सहकार्य भएको छ। अब नर्भिक अस्पतालका चिकित्सक, नर्स तथा स्वास्थ्यकर्मीको टोलीले घरमै पुगेर सेवा प्रवाह गर्नेछन्। यस सेवाका लागि बिरामीहरूले हेल्थ एट होमको कार्यालयमा सम्पर्क गर्न सक्नेछन्।

सम्झौताअनुसार बिरामीले घरमै होम नर्सिङ, चिकित्सकीय परामर्श, फिजियोथेरापी तथा पुनर्स्थापना सेवा, ल्याब नमुना संकलन, पोस्ट-अपरेटिभ केयर, आवश्यक फलोअप र मासिक हेल्थ चेकअप प्राप्त गर्न सक्नेछन्।