अमेरिकी मिडियाको रिपोर्ट : इरानको धम्कीपछि ट्रम्पलाई ट्रकभित्र लुकाएर विमान परिवर्तन गरियो

२६ साउन, काठमाडौं । गत महिना टर्कीमा भएको नेटो शिखर सम्मेलनबाट फर्किने क्रममा सम्भावित इरानी धम्कीका कारण अमेरिकी राष्ट्रपति डोनाल्ड ट्रम्पले गोप्य रूपमा विमान परिवर्तन गरेको अमेरिकी सञ्चारमाध्यमहरूले जनाएका छन्।

टेलिभिजनका क्यामेराहरूले देख्ने गरी ट्रम्प एयर फोर्स वनमा चढेका थिए। तर त्यसपछि उनलाई गोप्य रूपमा विमानको उचाइसम्म उठाइएको विमानस्थलको क्याटरिङ सेवा दिने ट्रकमा लगेर अर्को सैन्य विमानमा सारिएको बताइएको छ । वासिङ्टन पोस्टका अनुसार विमानमा रहेका पत्रकारहरू र ह्वाइट हाउसका केही कर्मचारीलाई समेत राष्ट्रपतिले विमान परिवर्तन गरेको जानकारी थिएन।