नेप्से परिसूचकमा झिनो वृद्धि, चार अर्ब ११ करोडको कारोबार

काठमाडौं । साताको दोस्रो कारोबार दिन मंगलबार (साउन २६) नेपाल स्टक एक्सचेन्ज (नेप्से) परिसूचकमा ०.७९ अंकको सामान्य वृद्धि भएको छ । नेप्से परिसूचक ०.०३ प्रतिशतले बढेर २,६४१.८५ विन्दुमा पुगेर बन्द भएको हो ।

यस दिन बजारमा कुल ३४० कम्पनीका ९५ लाख ३४ हजार २२१ कित्ता सेयर खरिद–बिक्री भयो । चार अर्ब ११ करोड नौ लाख ७४ हजार ६७४ रुपैयाँबराबरको कारोबार भएको नेप्सेले जनाएको छ ।