पार्टी प्यालेसको पार्किङबाट चोरिएको स्कुटर खोज्दा खुल्यो गिरोहको रहस्य, ६ जना समातिए

काठमाडौँ । जिल्ला प्रहरी परिसर काठमाडौँले विभिन्न स्थानबाट स्कुटर चोरी गर्ने कार्यमा संलग्न ६ जना मानिसहरूलाई ३ थान स्कुटरसहित पक्राउ गरेको छ ।

गत असार १३ गते बेलुका अन्दाजी ६:३० बजेको समयमा काठमाडौँ महानगरपालिका वडा नम्बर ७ मा रहेको दिव्य पार्टी प्यालेसको पार्किङ स्थलमा राखिएको बा ६८ प ७०७३ नम्बरको स्कुटर चोरी भएको भन्दै प्रहरीमा निवेदन परेको थियो । उक्त प्राप्त निवेदनका आधारमा प्रहरी वृत्त गौशाला र महाराजगंजबाट प्रहरी टोली खोजतलासका लागि खटिएको थियो ।