डिजिटल शिक्षामा प्रवेश गर्दै साकेला

खोटाङको साकेला गाउँपालिकाले डिजिटल शिक्षाको प्रारम्भ गर्दैछ। परम्परागत र पुरानो शिक्षालाई अद्यावधिक गर्दै समय र पछिल्लो पुस्ताको माग अनुसार गाउँपालिकाका सबै सामुदायिक विद्यालयमा डिजिटल शिक्षा प्रारम्भ गर्न लागेको हो।

चार वर्षअघि निर्माण गरिएको आवधिक योजनाअन्तर्गत साकेलाको शिक्षालाई देशकै नमूना बनाउने योजना अन्तर्गत डिजिटल माध्यमको शिक्षण प्रणाली लागू गर्न पूर्वतयारीस्वरुप चार दिने तालिम आयोजना गरिएको छ। सामुदायिक विद्यालयहरूको शिक्षण प्रणालीलाई प्रविधिमैत्री, व्यावहारिक र भविष्यमुखी बनाउने उद्देश्यले डिजिटल माध्यममा पठनपाठन सुरु गर्नुअघि दक्ष जनशक्ति निर्माणार्थ आइतबारदेखि सुरु ‘नमूना डिजिटल विद्यालय तालिम’ बुधबार सम्पन्न हुनेछ।