स्थानीय तहले जग्गा वर्गीकरण नगर्दा उदयपुरमा कित्ताकाट ठप्प

उदयपुर । उदयपुरका आठवटै स्थानीय तहले समयमै जग्गा वर्गीकरण नगर्दा कित्ताकाट ठप्प भएको छ । जग्गा वर्गीकरण नहुँदा सर्बसाधारणले जग्गा किनबेच, नामसारी, धितो राख्ने लगायतका काममा सास्ती खेप्नु परेको छ ।

सरकारले जारी गरेको भू–उपयोग ऐन, २०७६ तथा भू–उपयोग नियमावली, २०७९ को तेश्रो संशोधन, २०८२ अनुसार स्थानीय तहले आफ्नो क्षेत्रभित्रका जग्गाको वर्गीकरण गर्नु पर्ने व्यवस्था गरेको छ । तर स्थानीय तहले समयमा काम सम्पन्न नगर्दा भूमि प्रशासन सम्बन्धी सेवा प्रभावित भएको हो ।