सुगौली सन्धिको सक्कल प्रतिबारे भारतको जवाफ, ‘द्विपक्षीय संयन्त्रमार्फत कुरा गर्न सकिन्छ’

नयाँदिल्ली- सन् १८१६ को सुगौली सन्धिको सक्कल प्रति नभेटिएको चर्चा नेपालमा भइरहँदा भारतले यस विषयलाई द्विपक्षीय संयन्त्रमै छलफल गर्न सकिने जवाफ दिएको छ।

भारतीय विदेश मन्त्रालयका प्रवक्ता रणधीर जयसवालले मंगलबार नियमित पत्रकार सम्मेलनका क्रममा यस्तो बताएका हुन् । उनले अर्को सन्दर्भमा नेपालका प्रधानमन्त्री वालेन्द्र शाहलाई भारत भ्रमणका लागि गत चैत १३ गतै नै निमन्त्रणा दिइसकेको पनि बताएका छन्।