अब बन्ने शिक्षा ऐन र पाठ्यक्रममा अपाङ्गताका मुद्दा समेटिन्छन्: शिक्षामन्त्री

शिक्षा तथा खेलकुदमन्त्री सस्मित पोखरेलले नयाँ बन्दै गरेको शिक्षा ऐन र संशोधनको प्रक्रियामा रहेको राष्ट्रिय पाठ्यक्रम प्रारूपमा समावेशी शिक्षा तथा अपाङ्गताका सवालहरूलाई प्राथमिकताका साथ सम्बोधन गरिने प्रतिबद्धता व्यक्त गरेका छन्।

सिंहदरबारस्थित शिक्षा तथा खेलकुद मन्त्रालयमा आज आयोजित ‘समावेशी शिक्षा सञ्चालन तथा व्यवस्थापन’ सम्बन्धी सरोकारवालासँगको छलफलमा बोल्दै मन्त्री पोखरेलले प्राप्त सुझाव र अनुभवका आधारमा मन्त्रालयले आवश्यक नीतिगत पहल अघि बढाउने बताए।