चितवनमा मर्निङवाकमा निस्किएका वृद्धको बाघको आक्रमणबाट मृत्यु

चितवन। चितवनको भरतपुर महानगरपालिका–२८ जितपुरमा मर्निङवाकमा निस्किएका ६५ वर्षीय मंगले बोटेको बाघको आक्रमणबाट मृत्यु भएको छ। मंगलबार बिहान करिब ५ बजे मर्निङवाकमा निस्किएका बोटे बेपत्ता भएपछि खोजी सुरु गरिएको थियो।

बिहान करिब ८ बजे बाघ देखिएको खबर प्राप्त भएपछि प्रहरी टोली तत्कालै घटनास्थलमा पुगेको थियो। नेपाली सेना, राष्ट्रिय निकुञ्जको प्रशासन टोली तथा स्थानीय जनप्रतिनिधिको सहयोगमा हात्ती प्रयोग गरेर खोजी सुरु गरिएको थियो।