हार के हो ? नेदरल्यान्ड्सलाई सोध

नेदरल्यान्ड्सलाई विश्व फुटबलका सबैभन्दा शक्तिशाली टोलीहरूमध्ये एक मान्छि । यसले जोहान क्रुइफ, जोहान नेस्केन्स, जोनी रेप, रोब रेन्सेनब्रिंक, मार्को भ्यान बास्टेन, रुड गुलिट, रुड भ्यान निस्टेलरोय, आर्यन रोबेन, वेस्ली स्नाइडर, भर्जिल भ्यान डाइकजस्ता महान् हस्तीहरू विश्व फुटबललाई दिएको छ ।

तर दुःखको कुरा ‘द ओरेन्ज’ले अहिलेसम्म फिफा विश्वकप जित्न सकेको छैन भने प्रायः उसको बहिर्गमन पनि अनपेक्षितसँग पेनाल्टीमार्फत छिनोफानो हुने गरेको छ । यसपटक पनि उसको यही नियति दोहोरियो ।