साफ महिला च्याम्पियनसिप खेल्न नेपाली टोली घोषणा

काठमाडौं । अखिल नेपाल फुटबल संघ (एन्फा) ले शनिबार साफ च्याम्पियनसिप खेल्ने नेपाली महिला टोली घोषणा गरेको छ । भारतमा हुने साफ महिला च्याम्पियनसिप फुटबल प्रतियोगिता खेल्न नेपालको टोलीको अन्तिम लिस्ट घोषणा गरिएको हो ।

मुख्य प्रशिक्षक नवीन न्यौपानेले छनोट गरेको अन्तिम टोलीमा अनिता लम्जेल र बिर्सना चौधरीले पहिलोपटक सिनियर टोलीमा स्थान बनाएका हुन्। गीता राना, सविना चौधरी, अनिता केसीले टोलीमा पुनरागमन गरेकी छन्।