अमेरिका–दक्षिण कोरिया सैन्य अभ्यासअघि उत्तर कोरियाले प्रक्षेपण गर्‍यो ब्यालेस्टिक क्षेप्यास्त्र

सियोल । उत्तर कोरियाले अमेरिका र दक्षिण कोरियाको संयुक्त सैन्य अभ्यास सुरु हुनुअघि फेरि संदिग्ध ब्यालेस्टिक क्षेप्यास्त्र प्रक्षेपण गरेको छ। जापान र दक्षिण कोरियाका अधिकारीहरूका अनुसार उत्तर कोरियाको पूर्वी तटबाट प्रक्षेपण गरिएको क्षेप्यास्त्र समुद्रमा खसेको छ।

जापानको रक्षा मन्त्रालयका अनुसार बुधबार उत्तर कोरियाको पूर्वी तटबाट जापान सागरतर्फ क्षेप्यास्त्र प्रक्षेपण गरिएको थियो। प्रक्षेपण गरिएको वस्तु ब्यालेस्टिक क्षेप्यास्त्र हुन सक्ने जापानी अधिकारीहरूले बताएका छन्।