देउवा फिर्तीसँगै कांग्रेसमा नयाँ शक्ति संघर्ष

काठमाडौं । पूर्वप्रधानमन्त्री तथा नेपाली कांग्रेसका तत्कालीन सभापति शेरबहादुर देउवाको स्वदेश फिर्ती र सर्वोच्च अदालतले कांग्रेसको वैधानिकतासम्बन्धी विवादमा पुनरावेदनको अनुमति दिएपछि कांग्रेसभित्रको शक्ति संघर्ष नयाँ चरणमा प्रवेश गरेको छ ।

स्वास्थ्य उपचारका लागि विदेशमा रहेका देउवा बिहीबार काठमाडौं फर्कने तयारीमा छन् । देउवालाई स्वागत गर्न उपत्यका तथा आसपासका जिल्लाबाट समर्थक कार्यकर्ता विमानस्थलमा भेला हुने तयारी भइरहेको देउवा निकट नेताहरूले बताएका छन् ।