मल मागको उच्च, आपूर्ति कम

धनगढी । धनगढीस्थित कृषि सामग्री कम्पनी लिमिटेडले यही १–२६ साउनसम्म १ हजार २८७.७ मेट्रिक टन युरिया र २९५.७ मेट्रिक टन डीएपी बिक्री गरेको छ । यस अवधिमा पोटास ३३.२५ मेट्रिक टन बिक्री भएको छ ।

प्रादेशिक कार्यालयका प्रबन्धक नवलसिंह बोगटीले धानखेतीका लागि आवश्यक पर्ने मल किसानसम्म पुर्‍याउने क्रममा कम्पनीले उक्त परिमाणमा मल बिक्री गरेको बताए । धानखेतीको मुख्य समयमा मलको माग बढ्ने भएकाले कम्पनीले सहकारी तथा कृषि सामग्रीको बिक्री केन्द्रमार्फत किसानसम्म पुर्‍याउँदै आएको उनले जानकारी दिए ।