प्रधानमन्त्रीले  आफ्नो सेल्फ–रेस्ट्रिक्सन डिप्लोमेसी आफैँले उल्लङ्घन गरे : चालिसे

काठमाडौँ । नेपाली कांग्रेसका प्रवक्ता देवराज चालिसेले प्रधानमन्त्री बालेन्द्र साहले चार महिनाअघि तामझामका साथ आफैले सुरु गरेको सेल्फ–रेस्ट्रिक्सन डिप्लोमेसी (आत्म–नियन्त्रित कूटनीति) आफैँले उल्लङ्घन गरेको आरोप लगाएका छन् । सामाजिक सञ्जाल फेसबुकमा प्रवक्ता चालिसेले प्रधानमन्त्री शाहको यो क्रियाकलापलाई अपरिपक्व राजनीतिको नमुना उल्लेख गरेका छन् ।

चालिसेका अनुसार, प्रधानमन्त्रीको यो नीति न कुनै नियम थियो, न कूटनीतिक चातुर्यता, न त देशको हितमा नै थियो। उनले यसलाई केवल लहड, उत्सुकता र परीक्षणको संज्ञा दिँदै नेपालमा प्रचलित स्टण्ट शब्दसँग तुलना गरेका छन् । ‘राजनीतिमा चर्चित रहेको स्टण्ट अब कूटनीतिक क्षेत्रमा पनि विस्तार हुँदैछ,’ चालिसेले लेखेका छन् ।