आज काठमाडौंमा २०२६ लागेयताकै सबैभन्दा गर्मी हुने सम्भावना

काठमाडौं । काठमाडौं उपत्यकामा बुधबार साँझतिर क्षणिक वर्षा हुने सम्भावना रहेको मौसम पूर्वानुमान महाशाखाले जनाएको छ। दिउँसोसम्म भने अधिकांश समय घाम लाग्ने र तापक्रम बढ्ने अनुमान गरिएको छ। महाशाखाका मौसमविद् डेभिड ढकालका अनुसार दिउँसो ३/४ बजेपछि उपत्यकामा बादल विस्तारै बढ्दै जाने र त्यसपछि वर्षा हुन सक्ने सम्भावना छ। उनका अनुसार लगातार ठूलो वर्षा हुने सम्भावना भने छैन ।

उपत्यकाका अधिकांश स्थानमा हल्का वर्षा हुन सक्ने भए पनि केही स्थानमा मध्यमसम्म वर्षा हुने सम्भावना रहेको मौसमविद् ढकालले बताए। वर्षा छोटो समयका लागि मात्र हुने अनुमान गरिएको छ।