जनकपुर साहित्य महोत्सव

जनकपुरधाम : तीन दिने ‘जनकपुर साहित्य महोत्सव २०८३’ औपचारिक रूपमा प्रारम्भ भएको छ। नव मिथिला फाउन्डेसनद्वारा आयोजित यस महोत्सवको उद्घाटन मधेस प्रदेशका प्रदेश प्रमुख डा. सुरेन्द्र लाभले एक भव्य समारोहबीच गरेका छन्।

‘धरातल, संस्कृति र संस्कारको उत्सव, जनकपुर साहित्य महोत्सव’ भन्ने मूल नाराका साथ सातौं संस्करणका रूपमा आयोजना गरिएको यस महोत्सवमा देशभरिका चर्चित साहित्यकार, लेखक, गायक, संगीतकार, उद्यमी, पत्रकार, कवि र विचारकहरूको सहभागिता रहने आयोजकले जनाएको छ।