विद्यार्थी सङ्गठनको संरचना हटाउने विषयमा त्रिविकै निकायबिच मतभिन्नता

काठमाडौँ। दलीय विद्यार्थी सङ्गठनको संरचना हटाउने विषयमा त्रिभुवन विश्वविद्यालय(त्रिवि)का दुई निकायबिच मतभिन्नता देखिएको छ। त्रिवि विद्यार्थी कल्याण तथा खेलकुद निर्देशनालय र त्रिवि रजिष्ट्रार कार्यालयले जारी गरेको सूचनामा मत भिन्नता देखिएको हो।

त्रिवि विद्यार्थी कल्याण तथा खेलकुद निर्देशनालयले सोमबार दलीय विद्यार्थी सङ्गठनका संरचना हटाउन निर्देशन दिएको छ। तर, त्रिवि रजिस्ट्रारको कार्यालयले विश्वविद्यालय अनुदान आयोगलाई उपलब्ध गराएको विवरणमा दलीय विद्यार्थी सङ्गठनलाई आधिकारिक रूपमा कुनै पनि संरचना उपभोग गर्न नदिइएको उल्लेख छ ।