तिलगंगावासीको आवाज– ‘हामी ‘सुकुमवासी’ होइनौं, स्थानीयवासी हौँ, विचल्ली पार्न पाइँदैन’

काठमाडौं– पशुपति क्षेत्र विकास कोषको गुरुयोजना कार्यान्वयनका क्रममा सरकारले आफूहरूमाथि अन्याय गरेको भन्दै तिलगंगा क्षेत्रका पीडितहरु विगत एकसय दिनदेखि धर्ना बसिरहेका छन् ।

पीडितहरूले विगतमा भएका निर्णय र सम्झौता कार्यान्वयन गर्न माग गर्दै शान्तिपूर्ण धर्ना बसिरहेका हुन् । पीडितहरुले आफूहरूलाई छिटोभन्दा छिटो बसोबासको उचित व्यवस्था तथा आवश्यक सहयोग उपलब्ध गराउन सम्बन्धित निकायसँग माग गरेका छन् । सरकारले गत वैशाख १८ र १९ गते तिलगंगा क्षेत्रमा बसोवास गर्दै आएका स्थानीयहरुको घर टहरा भत्काएको थियो ।